- Sayt test rejimida ishlamoqda!
- Sayt test rejimida ishlamoqda!
- Sayt test rejimida ishlamoqda!
Yangiliklar
DEHQON BOZORIDA PROFILAKTIK TADBIRLAR O‘TKAZILDI
Sanitariya-epidemiologik osoyishtalik va jamoat
salomatligi qo‘mitasi Farg‘ona viloyat boshqarmasi, viloyat favqulodda
vaziyatlar boshqarmasi, bozor ma’muriyati, viloyat IIB, viloyat Ekologiya boshqarmasi
hamda Milliy gvardiya Farg‘ona viloyati bo‘yicha boshqarmasi mas’ullari
ishtirokida Farg‘ona shahar dehqon bozori va uning hududlarida profilaktik
tadbirlar o‘tkazildi.
Jumladan,
Farg‘ona shahrida joylashgan “Baraka bozori”, “Farg‘ona dehqon bozori” va unga
yondosh hududlarda savdo qiluvchilar va tadbirkorlarga belgilangan joylarda
shaxsiy gigiyena qoidalariga rioya etishlari, maxsus kiyim-boshda savdo
qilishlari, mahsulotlarni usti yopiq holatda saqlashlari va o‘z vaqtida tibbiy
ko‘rikdan o‘tishlari haqida batafsil tushuntirishlar berildi.
Shuningdek,
bozor hududida yig‘ilib qolgan 155 kg. chiqindilar belgilangan joylarga olib
ketildi. Bozorning belgilanmagan joylari, piyodalar yo‘laklarida savdo
qilayotgan 50 dan ziyod sotuvchilarga rastada savdo qilishlari bo‘yicha
tavsiyalar berildi. Bozorning chiqindixonasida yig‘ilgan 3,5 tonna maishiy
chiqindilar bozor hududidan chiqarildi va
zararsizlantish ishlari olib borildi. Bozorga yondosh hududdagi 150 metr
irrigatsiya ariqlari tozalatildi.
Aniqlangan
kamchiliklar yuzasidan hudud mas’ullariga tegishli ko‘rsatma va topshiriqlar
berildi. Bu kabi reyd tadbirlari davom etmoqda.
Sanepidqo`mita
Axborot xizmati
@sanepidcommittee
So’ngi yangiliklar