SANITARIYA-EPIDEMIOLOGIK
OSOYISHTALIK VA JAMOAT SALOMATLIGI QO‘MITASINING 2023-YIL 3-CHORAK YAKUNLARI
BO‘YICHA HAY’AT YIG‘ILISHI BO`LIB O`TDI
Yig‘ilishda
Sanitariya-epidemiologik osoyishtalik va jamoat salomatligi qo‘mitasi raisining
o‘rinbosarlari, kun tartibiga muvofiq masalaga tegishli boshqarma va bo‘lim
boshliqlari hamda laboratoriya mudirlari;
Respublika tasarrufidagi
muassasalar, ilmiy-tadqiqot institutlari direktorlari; Idoraviy
Sanitariya-epidemiologiya qo`mitasi muassasalari rahbarlari ishtirok etdilar.
Kun tartibi:
·
Respublikada qayd etilayotgan ovqatdan
zaharlanish holatlari va joylarda o‘tkazilayotgan profilaktik tadbirlar.
·
Sanitariya-epidemiologik osoyishtalik va
jamoat salomatligi qo‘mitasining hududiy boshqarmalari va tuman (shahar) bo‘limlari
tomonidan umumta’lim muassasalari ustidan olib borilayotgan davlat sanitariya
nazoratining holati.
·
Sanitariya-epidemiologiya qo‘mitasi
muassasalarida korrupsiyaga qarshi ichki
nazorat tuzilmalarining tashkil etilish holati hamda ular tomonidan amalga
oshirilayotgan ishlar tahlili, mavjud muammolar va ularni bartaraf etish
borasida tavsiyalar.
Sanitariya-gigiyena boshqarmasi
ovqatlanish gigiyenasi bosh mutaxassisi Abdurahmon Ismailov tomonidan
Respublikada qayd etilayotgan ovqatdan zaharlanish holatlari va joylarda
o‘tkazilayotgan profilaktik tadbirlar to‘g‘risida ma’lumot berdi.
Joriy yilning o‘tgan 8 oyi davomida 39 ta
holatda guruhli zaharlanish qayd etilib, ularda 414 nafar fuqaro jabrlangan, 3
nafari vafot etgan. Jabrlanganlarning 86 nafari bolalardir.
✔️
Zaharlanish holatlarining – 21 tasi (53,8 %) botulizm, 1 tasi MTT (2,5 %), 13
tasi (23,0 %) ovqattoksikinfeksiyasi va 1 tasi (2,5%) kimyoviy zaharlanishlarga
to‘g‘ri keladi.
21
ta holatda uy sharoitida tayyorlangan konserva mahsulotlarini iste’mol qilish
oqibatida yuzaga kelgan “Botulizm” kasalligining 3 tasi Jizzax, 6 tasi
Samarqand va 6 tasi Farg‘ona viloyatlariga to‘g‘ri keladi.
Qayd etilgan
ovqatdan zaharlanish holatlarining kelib chiqishi sabablari tahlil etilganda:
🔷 umumiy ovqatlanish ob’ektlari, nodavlat ta’lim
muassasalari oshxonalari sanitariya qoida va me’yorlari talablariga mos
kelmagan holda faoliyat yuritayotganligi;
🔷 oshxonalarning jihozlar bilan to‘liq ta’minlanmagan
va mavjudlari esa ma’nan eskirgan yoki nosoz holatda ekanligi;
🔷 taom tayyorlash uchun sifati va xavfsizligi
kafolatlanmagan oziq-ovqat mahsulotlari ishlatilishi;
🔷
umumiy ovqatlanish ob’ektlari oshpazlarining ko‘pchiligi soha bo‘yicha
o‘qimaganligi, ularning taom tayyorlash texnologiyalarini, oziq-ovqat mahsulotlarini
saqlash, tashish va realizatsiya qilish qoidalarini bilmasligi aniqlandi.
Sanepidqo‘mita raisining birinchi
o‘rinbosari Nurmat Atabekov Qo‘mitaning
hududiy boshqarmalari va tuman (shahar) bo‘limlari tomonidan umumta’lim
muassasalari ustidan olib borilayotgan davlat sanitariya nazoratining holati
hamda Jamoatchilik Kengashi tomonidan o‘rganilgani to‘g‘risida ma’lumot berdi.
·
O‘zbekiston Respublikasi
Sanitariya-epidemiologik osoyishtalik va jamoat salomatligi qo‘mitasi
Qoraqalpog‘iston Respublikasi, viloyatlar va Toshkent shahar boshqarmalari
Bolalar va o‘smirlar gigiyenasi bo‘limlarining sanitariya vrachlari va vrach
yordamchilari shtatlari tahlil qilinganda 5,9 % birinchi toifali, 4,3 %
ikkinchi toifali, 41,8 % oliy toifali shifokorlardir.
·
Hududiy boshqarmalar tomonidan jami 30849 ta
xususiy ta’lim muassasalaridan 1546 tasida xavflilik darajasi tahlil etilgan.
Shulardan xavfi yuqori bo‘lgan ob’ektlar 146 ta, xavfi o‘rtacha bo‘lgan
ob’ektlar 995 tani tashkil etgan.
Hay’at yig‘ilishi so`nggida
Sanitariya-epidemiologik osoyishtalik va jamoat salomatligi qo‘mitasi raisi
Bahodir Yusupaliyev tomonidan
hududlardagi rahbar kadrlarning korrupsiyaga qarshi kurashish borasida olib
borayotgan faoliyati tanqidiy tahlil qilindi.
Jamoatchilik Kengashi a’zolari tomonidan
taqdim etilgan takliflari inobatga olinishi;
Kamchiliklarga yo‘l qo‘ygan rahbarlar qat’iy
ogohlantirilib, tegishli tartibda intizomiy choralar ko‘rilishi aytib o‘tildi.
Sanepidqo`mita
Axborot
xizmati
@sanepidcommittee