- Sayt test rejimida ishlamoqda!
- Sayt test rejimida ishlamoqda!
- Sayt test rejimida ishlamoqda!
Yangiliklar
MAKTABGACHA TA’LIM TASHKILOTLARIDA SOGʻLOM OVQATLANISH QOIDALARIGA AMAL QILISH HOLATLARI O‘RGANILDI
Qoraqalpog‘iston respublikasi Amudaryo tumani Sanitariya-epidemiologik osoyishtalik va jamoat salomatligi bo‘limi mutaxacsislari tomonidan Amudaryo tumani maktabgacha ta’lim bo‘limi tasarrufidagi barcha maktabgacha ta’lim muassasalarida sog‘lom ovqatlanishni tashkil etish, taqiqlangan mahsulotlarni tashkilot hududiga kiritmaslik, ovqatdan zaharlanish holatlariga yo‘l qo‘ymaslik masalalari bo‘yicha o‘rganish ishlari olib borildi.
O‘rganishlar davomida MTTlarning oshxonalari jihozlanishi, tarbiyalanuvchilarning sog‘lom ovqatlanish tartibiga amal qilishi, oshxonada taom tayyorlash jarayonida sanitariya-gigiyena qoidalari va normativlariga rioya qilishga doir mavzularida hamshira, oshpazlar va tarbiyachilarga tushunchalar berildi.
Shuningdek, Sanitariya-epidemiologik osoyishtalik va jamoat salomatligi bo‘limining sanitariya-gigiyena laboratoriyasiga hududlardagi MTTlarda tayyorlanayotgan, saqlanayotgan oziq-ovqat mahsulotlaridan namunalar keltirildi. Olingan namunalar organoleptika, namlik, kislotalik, kleykovina, ombor zararkunandalari, metall aralashma, g‘ovakligi, azot, nitrat, mahsulotning qaynatilishi, yog‘i, quruq qoldig‘i, ishqoriyligi, undagi yod miqdori, og‘ir metall tuzlari, tayyor taomlarning termik ishlov berilishi kabilar va sutkalik kaloriya ko‘rsatkichlari bo‘yicha ko‘rildi.
Sanitariya-gigiyena laboratoriyasida namunalarni tegishli sanitariya qoida va me’yorlari va oziq-ovqat mahsulotlari texnik reglamentlari asosida tekshirildi.
Sanepidqo‘mita
Axborot xizmati
@sanepidcommittee
So’ngi yangiliklar