Jizzax
viloyatida aholini sifatli oziq-ovqat va qishloq xo‘jaligi mahsulotlari bilan
ta’minlash, dehqon bozorlarida sotilayotgan mahsulotlarning sifati va
xavfsizligi yuzasidan sanitariya-targ‘ibot tadbirlari doimiy olib borilmoqda.
Jumladan,
Sanitariya-epidemiologiya qo‘mitasining Jizzax viloyati Forish tumani bo‘limi
xodimlari tomonidan veterinariya xizmati xodimlari bilan hamkorlikda
"Forish dehqon bozori" MCHJda savdo faoliyati bilan shug‘ullanuvchi
tadbirkorlar o‘rtasida “Dehqon bozorlariga qo‘yiladigan sanitariya-gigiyena
talablari to‘g‘risida”gi sanitariya qoida va me’yorlariga amal qilinishini
o‘rganish yuzasidan nazorat tadbirlari o‘tkazildi.
Nazorat
tadbirlari davomida tadbirkorlarga sifati tez buziluvchi mahsulotlarni sotish
uchun zarur shart-sharoitlar yaratish, oziq-ovqat mahsulotlari savdosini
sanitariya qoidalariga amal qilgan holda tashkil etish, uy sharoitida
tayyorlangan, sanitariya talablariga javob bermaydigan oziq-ovqat mahsulotlari
bilan savdo qilmaslik bo‘yicha tavsiyalar berildi.
O‘tkazilgan
tadbirlar davomida 10 kilogramm sifati buzilgan karam mahsuloti hamda 7
kilogrammga yaqin iste’molga yaroqliligi gumon qilingan tovuq go’shti tegishli
tartibda sotuvdan olindi.
Sanepidqo`mita
Axborot xizmati
@sanepidcommittee