- Sayt test rejimida ishlamoqda!
- Sayt test rejimida ishlamoqda!
- Sayt test rejimida ishlamoqda!
Yangiliklar
SANITARIYA MINIMUMI NIMA?
Sanitariya minimumi qonun bilan tartibga solinadigan
profilaktika chora-tadbirlarining yagona majmui hisoblanadi.
Gigiyenik
tayyorgarlikdan o‘tish fuqarolarning sog‘lig‘iga ta’sir qilishi mumkin bo‘lgan
muayyan (dekretiv) kasb egalari uchun majburiydir.
Sanitariya
minimumi davriy tibbiy ko‘rikdan o‘tish davomida o‘qitiladi.
Gigiyena va
epidemiologiya fanlaridan tasdiqlangan dastur asosida har bir yo‘nalish
bo‘yicha o‘tkaziladigan qisqa o‘quv kurslarida xodimlar o‘z xizmat vazifalarini
bajarish jarayonida rioya qilishlari kerak bo‘lgan normalar va qoidalar
o‘rgatiladi. O‘quv kursi so‘ngida imtihon bo‘lib o‘tadi va guvohnoma
topshiriladi.
Muayyan (dekretiv) guruxga qaysi kasb kasb egalari
kiradi?
Oziq-ovqat muassasalari bo‘yicha:
Oziq-ovqat
mahsulotlarini ishlab chiqarish, tashish, saqlash bilan shug‘ullanuvchi
xodimlar, umumiy ovqatlanish korxonalari xodimlari.
Bolalar va o‘smirlar muassasalari bo‘yicha:
Maktabgacha
ta’lim muassasalari, bolalar uylari, maktab-internatlari, bolalar
sanatoriyalari, «Muruvvat uylari» va «Mehribonlik uylari» xodimlari, yozgi
bolalar sog‘lomlashtirish oromgohlari xodimlari, ta’lim muassasalarining
oshxona xodimlari, ekspeditorlar, ushbu muassasalarda oziq-ovqat mahsulotlarini
tashuvchi transport vositalarining haydovchilari va omborxona xodimlari.
Kommunal xizmat ko‘rsatuvchi obyektlar bo‘yicha:
Davolash-profilaktika
muassasalari, sanatoriylar, dam olish uylari, pansionatlar, nogironlar va
qariyalar uylarining oshxonalari xodimlari hamda oziq-ovqat mahsulotlarini
saqlash, tashish va tarqatishda ishtirok etuvchi bo‘lgan xodimlar.
Maishiy xizmat
ko‘rsatuvchi korxonalar xodimlari, jumladan, hammom va sauna xodimlari.
Sartaroshlik va
kosmetologiya xizmatlari, shuningdek, manikyur, pedikyur, kosmetolog-vizajist,
tatuaj bo‘yicha ustalar va boshqalar.
Kimyoviy tozalash
shaxobchalari xodimlari.
Suzish bo‘yicha
trenerlar, instruktorlar, basseyn va davolovchi vannalarda ishlovchi xodimlar.
Mehmonxona va
yotoqxona xodimlari hamda farroshlari, komendantlari, poyezdlarning yo‘l
boshlovchilari.
Kommunal-xo‘jalik
sohasi xodimlari, shuningdek, maishiy chiqindilarni yig‘ish, tashish va
yo‘qotish bilan bog‘liq ishlarda hamda jamoat hojatxonalarida ishlovchilar.
Bevosita ichimlik
suvi va kanalizatsiya tizimlarida ishlovchilar.
Dorixonalar va
dori saqlash omborxonalari xodimlari hamda dorilarni tarqatish bilan
shug‘ullanuvchi shaxslar (provizor va farmatsevtlar bundan mustasno).
Mulkchilik shaklidan qa’tiy nazar to‘lov-shartnoma
asosida, mashg‘ulotlar onlayn va oflayn shaklda amalga oshiriladi.
Sanepidqo‘mita
Axborot xizmati
@sanepidcommittee
So’ngi yangiliklar