Yangiliklar
FAVQULODDA VAZIYATLARNING OLDINI OLISH VA ULARNI BARTARAF ETISH
Ma’lumki, favqulodda vaziyatlar sodir bo‘lganda inson
hayoti xavf ostida qoladi. Aynan favqulodda vaziyatlarda to‘g‘ri harakat qilish
masalasi eng dolzarb masalalardan hisoblanadi.
Sanitariya-epidemiologik osoyishtalik va jamoat
salomatligi qo‘mitasida “Yong‘in
xavfsizligi oyligi” doirasida “Favqulodda
vaziyatlarning oldini olish va ularni bartaraf etish, aholini va hududlarni
muhofaza qilish masalalari hamda zilzila va uning oqibatlari”
mavzusida ko‘rgazmali o‘quv
mashg‘ulotida shu haqida so‘z bordi.
Unda Sanitariya-epidemiologik osoyishtalik va jamoat
salomatligi qo‘mitasining xodimlari va Favqulodda vaziyatlar vazirligining
Chilonzor tumani bo‘limi xodimlari – I.Kallibekov va M.Otaqulov ishtirok etdi.
Tadbir avvalida Sanitariya-epidemiologik osoyishtalik
va jamoat salomatligi qo‘mitasining mehnat muhofazasi va yong‘in xavfsizligi
bo‘yicha muhandisi Hamroqul Komilov tadbirni ochib berdi.
Tadbirda Chilonzor tumani bo‘limi xodimlari –
I.Kallibekov va M.Otaqulovlar tomonidan favqulodda vaziyatlarda yuzaga keladigan
noxush holatlarda to‘g‘ri harakat qilish asoslari yuzasidan ma’ruzalari
tinglandi.
Aholini tabiiy va is gazidan zaharlanish, gaz-havo
aralashmasining chaqnashi va yong‘in hodisalari bilan bog‘liq favqulodda
vaziyatlardan muhofaza qilish, mavsumiy sodir bo‘lishi mumkin bo‘lgan
favqulodda vaziyatlarning oldini olishda e’tibor qaratish lozim bo‘lgan
jihatlarga alohida to‘xtalib o‘tildi. Hayotiy misollar keltirib o‘tildi.
Korxona va tashkilotlar, turar-joylarda belgilangan qoidalarga amal qilish,
favqulodda vaziyatlar yuzaga kelganda qanday to‘g‘ri harakat qilish yuzasidan
tushunchalar berildi.
Ishni boshlashdan oldin va ish paytida, favqulodda
vaziyatlarda, ish oxirida xavfsizlik talablariga amal qilish muhimligi eslatib
o‘tildi.
Tadbir davomida mavzu yuzasidan videorolik namoyish
etildi. Ogohlik, to‘g‘ri harakat har qanday vaziyatda qo‘l kelishi tushuntirib
o‘tildi. Ishtirokchilar o‘zlarini qiziqtirgan savollarga javoblar olishdi.
Sanepidqo`mita
Axborot xizmati
@sanepidcommittee
So’ngi yangiliklar