Yangiliklar
ATMOSFERA HAVOSINING IFLOSLANISHI MONITORINGINI AVTOMATLASHTIRISH
"Atmosfera
havosining ifloslanishi monitoringini avtomatlashtirish"
qo‘shma loyihasi doirasida "Zamin" fondi va Gidrometeorologiya
xizmati agentligi BMTning Atrof-muhit dasturi (YUNEP) ko‘magida O‘zbekistonda
havo sifati bo‘yicha milliy normativlarni ishlab chiqishga bag‘ishlangan gibrid
shakldagi davra suhbatini o‘tkazdi.
O‘zgidromet
Sog‘liqni saqlash vazirligi bilan birgalikda normativlarni ishlab chiqish
borasidagi ishlarning joriy natijalari to‘g‘risida ma’lumot berdi. YUNEP vakili
o‘z so‘zida toza havo sohasida asoslangan xulosa qilish va boshqaruv
qarorlarini qabul qilishda havo sifati ma’lumotlaridan foydalanish salohiyatiga
e’tibor qaratdi.
Finlyandiya
metereologiya instituti vakili prognozlashtirish maqsadlarida havo sifati
to‘g‘risidagi ma’lumotlardan samarali foydalanishga bo‘lgan talablarni bayon
qildi. JSST eksperti havo sifati bo‘yicha milliy normativlarni ishlab chiqishda
mintaqaning tabiiy-iqlim xususiyatlarini va ularning aholi sog‘ligiga ta’sirini
hisobga olish muhimligini ta’kidladi. BMT YEIK xalqaro eksperti Havoning uzoq
masofalargacha transchegaraviy ifloslanishi to‘g‘risidagi konvensiyaga urg‘u
berib, uning havo sifati milliy standartlarni ishlab chiqishda O‘zbekiston
uchun afzalliklari haqida so‘zlab berdi.
Sog‘liqni
saqlash vazirligi, O‘zgidromet va YUNEP, JSST, BMT YEIK, Finlyandiya meteorologiya
instituti ekspertlarining sa’y-harakatlari birlashtirilishi havo sifatining
yangi standartlarini joriy etish borasidagi harakatlarda muhim qadam bo‘ldi.
Sanepidqo`mita
Axborot xizmati
@sanepidcommittee
So’ngi yangiliklar