Yangiliklar
TADBIRKORLAR BILAN OCHIQ MULOQOT
Prezidentimiz Shavkat Mirziyoyev Namangan viloyatiga tashrifi chog‘ida yildan yilga rivojlanib borayotgan sohalarni tilga olib, mahalliy ishbilarmon va tadbirkorlar faoliyatiga yuqori baho berib, ularni qo‘llab-quvvatlash, muammolarini tezkor hal etish borasida mas’ullarni biriktirgan edi. Ana shu topshiriqning ijrosini ta’minlash maqsadida Namangan viloyatida Sanepidqo‘mita va viloyat hokimligi hamkorligida ochiq muloqot tashkil etdi.
Unga barcha shahar va tumanlarda tadbirkorlik faoliyati bilan shug‘ullanayotgan eksportyor korxonalar rahbarlari va yangi ish boshlamoqchi bo‘lgan fuqarolar taklif etildi.
Ochiq muloqotda ta’kidlanganidek, ayni paytda viloyatda 126 ta eksportyor korxona faoliyat yuritmoqda. GSP tizimi bo‘yicha oziq-ovqat mahsulotlari ishlab chiqaruvchi korxonalar soni 419 tani tashkil etmoqda. Ular sonini ko‘paytirish, yangi ish o‘rinlari yaratish, chetga mahsulotlar eksportini oshirish uchun tinmay izlanib, mavjud imkoniyatlarni ishga solish kerak.
Aniqrog‘i, tadbirkorni har tomonlama qo‘llab-quvvatlash zarur.
Ochiq muloqotda Sanepidqo‘mita raisi Bahodir Yusupaliyev va mutaxassislar bu borada kuchga kirgan qonunlar, imtiyozlar haqida ma’lumot berdi. Berilgan savollarga javoblar qaytarildi.
Sanepidqo‘mita
Axborot xizmati
@sanepidcommittee
So’ngi yangiliklar