Yangiliklar
BRIFING: 2023 YIL SARHISOBI
2023 yilda mamlakatimizda
Sanitariya-epidemiologik osoyishtalikni ta’minlash maqsadida bir qator
tizimli ishlar amalga oshirildi.
Jumladan, o‘tgan yillar davomida Yevropa va Jahon savdo tashkilotlari
xalqaro talablardan kelib chiqib, 40 ta sanitariya
qoida va me’yorlari yangi tahrirda qabul
qilingan bo‘lsa,
2023 yilning o‘zida 14ta
sanitariya qoida va me’yorlari yangi tahrirda qabul qilindi va xalqaro andozalarga
moslashtirildi.
Qo‘mitaning ilmiy salohiyatini rivojlantirish maqsadida, O‘zbekiston
Respublikasi Vazirlar Mahkamasining
qarori bilan qo‘mita huzurida Sanitariya-epidemiologik
osoyishtalik va jamoat salomatligi sohasida kadrlarni qayta tayyorlash va
ularning malakasini oshirish markazi tashkil etildi. Markazda o‘tgan yilda 417ta mutahassis malaka oshirdi va
qayta tayyorlovdan o‘tdi. Markaz Niderlandiya, AQSH, Koreya, Malayziya,
Germaniya, Rossiya kabi davlatlardagi oliy ta’lim muassasalari va ilmiy
tashkilotlar bilan hamkorlik aloqalari o‘rnatdi.
2023 yilda
AQSH kasalliklarni nazorat qilish markazlari (CDC) va Toshkent tibbiyot
akademiyasi bilan birgalikda amaliy epidemiologiya (FETP) dasturi
doirasida “Epidemiologiya asoslarini o‘qitish” bo‘yicha kurslarda 20 nafar
mutaxassis malakasini oshirib, epidemiologiya sohasidagi ilg‘or tadqiqot
uslublarini amaliyotga qo‘llash ko‘nikmalariga ega bo‘ldi.
Yosh kadrlarni qo‘llab-quvvatlash
maqsadida Oliy ta’lim muassalarining 456 nafar bitiruvchisi ishga
qabul qilindi hamda
“ustoz-shogird” tamoyili asosida ularga malakali va tajribali mutaxassislar
biriktirildi
Aholining epidemiologik barqarorligini
ta’minlash maqsadida Yevropa va qo‘shni davlatlarda qayd etilayotgan yuqumli kasalliklarning mamlakatimiz hududiga kirib kelishi va tarqalish
xavfini oldini olish bo‘yicha profilaktik tadbirlar yanada takomillashtirildi. Jumladan
bolalarni yuqumli kasalliklarga qarshi emlash uchun 205 mlrd.
so‘m mablag‘ ajratildi, bu mablag‘lar 2017 yilda
ajratilgan mablag‘larga nisbatan 10 baravarga ortdi va bolalarni 13 xil
kasalliklarga qarshi emlash qamrovi 95 foizdan yuqori
ko‘rsatkichlarni ko‘rsatmoqda.
O‘zbekistonning Jahon savdo tashkilotiga qo‘shilishi maqsadida
oziq-ovqat xavfsizligi bo‘yicha me’yoriy hujjatlar ishlab chiqilmoqda.
Ekspоrtni qo‘llab-quvvatlash maqsadida yil davomida oziq-ovqat va
qishloq xo‘jaligi mahsulotlari eksporti bilan shug‘ullanadigan 1788 ta eksportyor
korxonalar ro‘yxati shakllantirildi.
Ularga 1452 nafar qo‘mita
xodimlari biriktirilib, eksportyor korxonalarda monitoring o‘tkazildi,
ularning muammolari o‘rganildi hamda
ekspоrt qilish uchun ko‘maklashish ishlari amalga oshirildi .
Chetdan olib kelinadigan import mahsulotlarga sanitariya-epidemiologik
xulosalar rasmiylashtirish jarayoni 30 foizgacha qisqartirildi.
Soha rivoji va moddiy-texnik
bazasini mustahkamlash uchun qariyb 243 yarim
mln dollarlik 5 ta investisiya
loyihalari amalga oshirilmoqda.
Qo‘mita qoshida tashkil etilgan
Milliy
referens laboratoriya va 21 ta tarkibiy muassasalar laboratoriyalar xalqaro
akkreditatsiyadan o‘tkazilib ular tomonidan o‘tkazilgan xavfsizlik
ko‘rsatkichlari bo‘yicha tahlil natijalari oziq-ovqat va qishloq xo‘jaligi
mahsulotlari eksporti jarayonlarida dunyo mamlakatlarida tan olinishiga erishilmoqda.
Bunday tizimli ishlarni 2024 yilda ham davom ettirish rejalashtirilgan.
Sanepidqo‘mita
Axborot xizmati
@sanepidcommittee
So’ngi yangiliklar