Yangiliklar
IMMUNIZATSIYA YO‘NALISHI BO‘YICHA O‘QITISHNING INNOVATSION USULI
“Immunizatsiya yo‘nalishi bo‘yicha o‘qitishning innovatsion usuli” mavzusida Sanepidqo‘mita va Toshkent shahar boshqarmasi immunizatsiya ishlariga mas’ul xodimlari ishtirokida o‘quv mashg‘uloti tashkil etildi.
JSST eksperti R.Latipov ishtirokida tashkil etilgan mashg‘ulotda qatnashchilarga immunizatsiya bo‘yicha o‘qitishning innovasion usullari to‘g‘risida alohida ma’lumotlar berildi.
Jahon sog‘liqni saqlash tashkilotining yuqumli kasalliklarga qarshi kurashish, ularni eliminatsiya qilish va ayrim infeksiyalarni istiqbolda batamom yo‘qotish (likvidatsiya) dasturi aynan immunoprofilaktika tadbirlari yo‘nalishiga asoslanadi.
Bolalarni milliy emlash kalendari asosida aholi va bolalarni rejali xavfsiz emlash, umumjamoa immunitetini paydo bo‘lishi yuqumli kasalliklar bilan kasallanishni sezilarli darajada kamaytirish imkonini beradi.
O‘zbekistonda immunizatsiya Dasturini amalga oshirish borasida muayyan yutuqlarga erishilgan. Yuqumli kasalliklarga qarshi immunizatsiya – davlatimizda fuqarolar, avvalo, bolalar salomatligiga nisbatan keng ko‘lamli g‘amxo‘rligining ajralmas qismidir. O‘zbekiston Respublikasida immunoprofilaktika Strategiyasi amaldagi Qonunlarga, JSST tavsiyalariga asoslangan hamda qulay, bepul va aholining keng qatlamlarini qamrab olishga qaratilgandir.
Mashg‘ulot qatnashchilari o‘zlarini qiziqtirgan savollarga javoblar olishdi. Aholi va bolalarni xavfsiz emlashni tashkillashtirish bo‘yicha olgan innovasion yo‘nalishdagi ko‘nikmalari kelgusida amaliyotda qo‘llashlari ta’kidlandi.
Sanepidqo`mita
Axborot xizmati
@sanepidcommittee
So’ngi yangiliklar