Yangiliklar
IMMUNOPROFILAKTIKANING DOLZARB MASALALARI
O‘zbekistonda odam
tug‘ilgandan boshlab 16 yoshgacha turli yuqumli kasalliklarga qarshi emlanishi
lozim. Buning uchun maxsus milliy emlash kalendari tasdiqlangan.
Milliy profilaktik emlashlar
kalendariga kiritilgan kasalliklar yuqish darajasi va uning asoratidan o‘lim
holati ko‘pligi sababli JSST tavsiyasi asosida
Respublika Bosh Davlat Sanitariya vrachi tomonidan tasdiqlangan.
Hozirgi kunda 13 turdagi
yuqumli kasalliklarga: gepatit V, sil, poliomiyelit, rotavirus infeksiya, bo‘g‘ma, qoqshol, ko‘kyo‘tal, Xib
infeksiya, qizamiq, epidparotit,
qizilcha, pnevmokokk infeksiya, VPCH-odam papilloma viruslariga qarshi
emlashlar olib boriladi.
Joriy yilning 9 fevral kuni
Tibbiyot xodimlarining kasbiy malakasini rivojlantirish markazida ushbu
markazning professor o‘qituvchilari,
Sog‘liqni saqlash vazirligi immunizatsiya ishlari bo‘yicha ilmiy-amaliy
guruhi a’zolari,
Sanitariya-epidemiologik osoyishtalik va jamoat salomatligi qo‘mitasining
immunizatsiya ishlariga mas’ul xodimlari, Toshkent tibbiyot akademiyasi professor
o‘qituvchilari, Respublika OITS markazi xodimlari ishtirokida “Immunoprofilaktikaning dolzarb masalalari”
mavzusida seminar bo‘lib o‘tdi.
Seminarda umumiy amaliyot
shifokorlari, pediatrlar, infeksionist vrachlar, katta xamshiralar – jami 100
nafar tibbiyot xodimlari ishtirok etdi.
Ushbu seminar-yig‘ilishni
o‘tkazishdan asosiy maqsad
boshqariluvichi yuqumli kasalliklar, jumladan qizamiq va ko‘kyo‘tal kasalliklarining oldini
olishning yagona usuli – bu vaksinatsiya
ekanligini birlamchi davolash-profilaktika muassasalarida faoliyat olib
borayotgan tibbiyot xodimlariga yetkazish edi.
Qizamiq, ko‘kyo‘tal, epdemik parotit profilaktikasi mavzularidagi ma’ruzalar yig‘ilish qatnashchilari tomonidan
zo‘r qiziqish bilan tinglandi.
Seminar so‘ngida ishtirokchilar tomonidan berilgan savollarga javoblar hamda amaliyotda ishlayotgan vrachlarga ko‘rsatmalar berildi.
Sanepidqo`mita
Axborot xizmati
@sanepidcommittee
So’ngi yangiliklar