Yangiliklar
MISR HUKUMATI TOMONIDAN AJRATILGAN GEPATITGA QARSHI DORINING NAVBATDAGI PARTIYASI O‘ZBEKISTONGA YETKAZILDI
Avval xabar berganimizdek Misr davlati 2025 yilga qadar umumiy qiymati 4,2 million dollar bo‘lgan jami 800 ming dona (40 tonnaga yaqin) "C" gepatitiga qarshi "Daklatasvir" va "Sofosbuvir" hamda "B" gepatitiga qarshi "Entekavir" dori vositalarini insonparvarlik ko‘magi sifatida O‘zbekistonga taqdim etadi.
Dunyo axborot agentligining xabar berishicha (https://dunyo.info/uzk/sotrudnichestvo/v-tashkent-iz-egipta-dostavlena-tretya-v-tekuschem-godu-partiya-preparata-protiv-gepatita-s) kuni kecha "Uzbekistan Airways" aviakompaniyasi Misr hukumati tomonidan insonparvarlik ko‘magi sifatida ajratilgan "C" gepatitiga qarshi "Sofosbuvir-400mg" dori vositasining 2024 yildagi uchinchi turkumini Sharm ash-Shayxdan Toshkentga yetkazib berdi. Jami 12 dona qutida 6720 ta «Sofosbuvir-400mg» dori vositalari O‘zbekiston Sog‘liqni saqlash vazirligi huzuridagi Virusologiya ilmiy-tekshirish instituti tomonidan shifotalab bemorlarga taqsimlanadi.
Misr hukumati mamlakatimizga 2023 yil davomida "C" va "B" gepatitlariga qarshi umumiy qiymati 696 ming AQSH dollariga teng bo‘lgan dori vositalarini taqdim etgan. Eslatib o‘tamiz gepatit С bilan og‘rigan bemorlar ushbu dori vositalarini quyidagi manzildan olishlari mumkin: (https://t.me/sanepidcommittee/11062)
So’ngi yangiliklar