Yangiliklar
OZIQ-OVQAT MAHSULOTLARIGA QAY TARTIBDA SERTIFIKAT BERILADI?
Respublikamizda oziq-ovqat mahsulotlariga qay
tartibda sertifikat berilishi, oziq-ovqat mahsulotlari Sanepidqo‘mitaning qaysi
laboratoriyalarida tekshiruvdan o‘tkazilishi va boshqa shu kabi savollarga
Sanitariya-epidemiologik osoyishtalik va jamoat salomatligi qo‘mitasining
Sanitariya-epidemiologik xulosa berishni muvofiqlashtirish va pullik xizmatni
rivojlantirish hamda gigiyenik o‘qitishni tashkil etish bo‘limi boshlig‘i Ulug‘bek Ismailov batafsil ma’lumot
berib o‘tdi.
Respublikamizda oziq-ovqat mahsulotlariga qay tartibda
sertifikat beriladi?
Respublikamizda
oziq-ovqat va qishloq xo‘jaligi mahsulotlariga sanitariya-epidemiologik xulosa
bir qanday huquqiy hujjatlar asosida rasmiylashtirib beriladi.
Jumladan,
O‘zbekiston Respublikasining “Oziq-ovqat mahsulotlarining sifati va xavfsizligi
to‘g‘risida”gi va boshqa qonunlari hamda O‘zbekiston Respublikasi Vazirlar
Mahkamasining 2004 yil 6 iyuldagi “Mahsulotlarni sertifikatlashtirish
tartibotini soddalashtirishga doir qo‘shimcha chora-tadbirlar to‘g‘risida”gi
318-son, Vazirlar Mahkamasining 2021 yil 30 yanvardagi “O‘zbekiston
Respublikasida muvofiqligi tasdiqlanishi lozim bo‘lgan muvofiqlikni baholash
ob’ektlari ro‘yxatlarini tasdiqlash to‘g‘risida”gi 43-son qarorlari, yo‘riqnoma
va sanitariya qoidalari, normalari va gigiyena normativlari, texnik jihatdan
tartibga solish sohasidagi normativ hujjatlar talablariga asosan oziq-ovqat va
qishloq xo‘jaligi mahsulotlariga sanitariya-epidemiologik xulosa
rasmiylashtirib beriladi.
Mahsulotlarning turiga qarab va qay tartibdi
sertifikat olish mumkin?
O‘zbekiston
Respublikasi Vazirlar Mahkamasining 2021 yil 30 yanvardagi “O‘zbekiston
Respublikasida muvofiqligi tasdiqlanishi lozim bo‘lgan muvofiqlikni baholash
ob’ektlari ro‘yxatlarini tasdiqlash to‘g‘risida”gi 43-sonli qarorining
3-ilovasida sanitariya-epidemiologik xulosa rasmiylashtirib beriladigan
tovarlar ro‘yxatiga (tashqi iqtisodiy faoliyatning tovar nomenklatura kodi
bo‘yicha) kiruvchi mahsulotlar ro‘yxati tasdiqlangan.
Oziq-ovqat mahsulotlari Sanepidqo‘mitaning qaysi
laboratoriyalarida tekshiruvdan o‘tkaziladi?
O‘zbekiston
Respublikasi Sog‘liqni saqlash vazirligi huzuridagi Sanitariya-epidemiologik
osoyishtalik va jamoat salomatligi qo‘mitasi, uning hududiy organlarining
akkreditatsiyadan o‘tgan laboratotiya majmualari tomonidan rasmiylashtirib
beriladi.
Bu kabi
tekshiruvlar uchun mahsulot miqdori belgilanganmi?
Sinovlar
uchun har bir mahsulot namunasini olish uchun texnik jihatdan tartibga solish
sohasidagi normativ hujjatda belgilab qo‘yilgan.
Mas’ul
sanitariya vrachi mahsulot namunasini sanitariya-gigiyena, radiatsion gigiyena,
fizik omillar, bakteriologiya, virusologiya, parazitologiya va o‘ta xavfli
kasalliklar tashxisi bo‘yicha laboratoriyalarda sinovlar olib borish uchun
texnik jihatdan tartibga solish sohasidagi normativ hujjatlarda belgilangan
miqdorda oladi. Shuningdek, ikki nusxada namuna olish dalolatnomasi
rasmiylashtiradi.
Mahsulotni
laboratoriyada tekshirish muddati necha kunni tashkil etadi?
Sanitariya-epidemiologik
xulosani rasmiylashtirib berish muddati tegishli sinov usullari uchun normativ
hujjatlarda nazarda tutilgan muddatlarga qarab, biroq 1 ish kunidan 14 ish kundan
oshmagan holda belgilangan.
Mahsulotga
sertifikat olishning belgilangan muddati bormi? Qay tartibda amalga oshiriladi?
Veterinariya
va fitosanitariya xulosalari olinishi hisobga olingan holda
sanitariya-epidemiologik xulosani rasmiylashtirib berish muddati tegishli
sinovlar usullari uchun normativ hujjatlarda nazarda tutilgan muddatlarga
qarab, biroq 14 ish kundan oshmagan holda belgilangan.
Mahsulotga
sertifikat olishning belgilangan summa bormi? Qay tartibda amalga oshiriladi?
Laboratoriya sinov va tadqiqotlarini
o‘tkazish, sanitariya-epidemiologik xulosa rasmiylashtirib berish xarajatlarini
qoplash uchun Sanitariya-epidemiologik osoyishtalik va jamoat salomatligi
qo‘mitasi, uning hududiy boshqarmalari tomonidan O‘zbekiston Respublikasi
Sog‘liqni saqlash vazirligi tomonidan Iqtisodiyot va moliya vazirligi bilan
kelishilgan holda belgilanadigan tariflar bo‘yicha to‘lov undiriladi.
Sanepidqo`mita
Axborot
xizmati
@sanepidcommittee
So’ngi yangiliklar