Yangiliklar
REJALI TEKSHIRUV DAVOMIDA QATOR KAMCHILIKLAR ANIQLANDI
Kuni kecha Sergeli tumanida joylashgan 42-sonli davlat
maktabgacha ta'lim tashkilotida 0355-18 sonli Sanitariya qoida va me'yorlari
asosida rejali sanitariya nazorati o'tkazildi.
Nazorat davomida quyidagi kamchiliklar aniqlandi:
- DMTTning barcha guruhlarida 30% sun'iy yoritgichlar nosoz holatda, yoritilish
ko'rsatkichlari me'yordan kam ekanligi;
- DMTT sport zalida isitish tizimining nosoz holatda
bo'lib, sport zalidan foydalanilmayotgani;
- profilaktik dezinfeksiya tadbirlarini o'tkazish
bo'yicha shartnoma tuzilmaganligi;
- 2023-yilda bolalarni dispanserizatsiyadan
o'tkazilmaganligi;
- 4 nafar pedagog xodimlarning tibbiy ko'rik davri
vaqtidan o'tganligi.
Nazoratda aniqlangan kamchilik va qonun buzilishi
holatlari yuzasidan DMTT direktoriga ma'muriy bayonnoma tuzilib, kamchiliklar
bartaraf qilinishi bo'yicha ko'rsatma va tavsiyalar berildi, muddatlar
belgilandi.
Sanepidqo`mita
Axborot xizmati
@sanepidcommittee
So’ngi yangiliklar