Yangiliklar
TUXUMNI BAKTERIOLOGIK TEKSHIRISH
Tuxum eng keng tarqalgan oziq-ovqat mahsulotlaridan biri hisoblanadi.
Tuxumda mikroorganizmlarning ko‘payishi uchun qulay sharoit mavjudligi sababli noto‘g‘ri saqlash natijasida ular tez rivojlanadi.
Tuxum va tuxum mahsulotlarining mikrobiologik ko‘rsatkichlari O‘zbekiston Respublikasi SSVning 2019 yildagi 0366-19 sonli SanQvaM lari asosida:
- mezofil aerob fakultativ anaerob mikroorganizmlarga (MAFAnM)
- ichak tayoqchalari bakteriyalari guruhiga (ITBG)
- patogen enterobakteriyalarga sanitar- bakteriologik tekshiriladi.
Kasallangan tuxumni iste’mol qilish natijasida odamlarda oziq- ovqat mahsulotlari orqali yuqadigan kasalliklar, xususan salmonellyoz kasalligi yuqishi mumkin. Salmonellalarning rivojlanishi uchun eng qulay muhit tuxum sarig‘i hisoblanadi. Ular orasida eng katta xavf tug‘diradigani tuxum orqali yuqadigan Salmonella enteritidis, Salmonella Pullorum, Salmonella gallinarum, Salmonella Typhimurium, Salmonella newport, Salmonella dublin, Salmonella anatum va boshqalardir.
Salmonellyoz yuqumli ichak kasalligi bo‘lib, o‘z vaqtida davolanmasa, hattoki o‘limga olib kelishi mumkin. Kasallikning klinik belgilari ichak sanchig‘i, tana haroratining ko‘tarilishi, qorin og‘rig‘i va ich ketishi bilan xarakterlanadi.
Shu sababli kasallik belgilari namoyon bo‘lganda zudlik bilan shifokorga murojaat etish kerak.
Kasallikni oldini olish uchun:
- sotib olingan tuxumni 1 litr suvga 20 gramm soda solingan eritmada 20 daqiqa ivitib qo‘yish, keyin toza suv bilan chayish va dezinfeksiyalovchi eritma bilan yuvish;
- muzlatkichda alohida tuxum uchun ajratilgan joyda saqlash;
- qaynatib pishirishda 15-20 minut qaynatish, qovurishda esa ikki tomonini qovurish;
- shaxsiy gigiyena qoidalariga rioya etish tavsiya etiladi.
Sanepidqo‘mita
Axborot xizmati
@sanepidcommittee
So’ngi yangiliklar